عالمی مالیاتی اداے (آئی ایم ایف) نے رواں سال پاکستان میں مہنگائی میں کمی، شرح نمو ہدف سے کم رہنے کی پیش گوئی کردی۔
آئی ایم ایف نے ورلڈ اکنامک آؤٹ لک رپورٹ جاری کردی۔ عالمی مالیاتی ادارے کا کہنا ہے کہ رواں مالی سال کے دوران پاکستان میں مہنگائی کم رہے گی تاہم شرح نمو بھی ہدف سے کم رہنے کا امکان ہے۔ معاشی ترقی 3 فیصد کے بجائے 2.6 فیصد رہنے تک رہ سکتی ہے۔
رپورٹ کے مطابق رواں سال پاکستان کی معاشی ترقی کی رفتار 2.6 فیصد رہنے کا امکان ہے، اس سے پہلے آئی ایم ایف نے شرح نمو 3 فیصد رہنے کی پیش گوئی کی تھی۔
حکومت نے رواں سال جی ڈی پی گروتھ کا ہدف 3.6 فیصد مقرر کر رکھا ہے، رپورٹ کے مطابق اگلے سال پاکستان کی معاشی ترقی کی رفتار بڑھ کر 3.6 فیصد ہو جائے گی۔
ورلڈ اکنامک آؤٹ لک رپورٹ کے مطابق رواں سال پاکستان میں مہنگائی 10 فیصد کے بجائے 5.1 فیصد رہنے کا امکان ہے، پاکستان میں اگلے مالی سال مہنگائی کی شرح 7.7 فیصد تک جا سکتی ہے۔
کرنٹ اکاؤنٹ خسارہ 3.7 ڈالر کے بجائے محض 40 کروڑ ڈالر رہنے کی توقع ہے، رواں مالی سال کرنٹ اکاؤنٹ خسارہ جی ڈی پی کے 0.1 فیصد رہنے کی پیش گوئی کی گئی ہے۔ اس سے پہلے کرنٹ اکاونٹ خسارے کا تخمینہ ایک فیصد لگایا گیا تھا۔
اگلے مالی سال میں پاکستان کا کرنٹ اکاؤنٹ خسارہ 0.4 فیصد رہنے کی پیش گوئی ہے، رواں سال عالمی سطح پر معاشی ترقی کی رفتار 2.4 سے 2.8 فیصد رہنے کا امکان ہے۔
