انسداد دہشت گردی عدالت لاہور نے وزیراعلیٰ خیبرپختونخوا علی امین گنڈاپور کے ناقابل ضمانت وارنٹ گرفتاری جاری کردیے۔
انسداد دہشت گردی عدالت میں پانچ اکتوبر کو پی ٹی آئی کا لاہور میں احتجاج اور پولیس پرتشدد کے مقدمہ میں وزیراعلیٰ خیبر پختونخوا علی امین گنڈاپور کے ناقابل ضمانت وارنٹ گرفتاری جاری کردیئے گئے۔
پولیس کی درخواست پر علی امین کے ناقابل ضمانت وارنٹ گرفتاری جاری ہوئے، علی امین گنڈاپور سمیت 4 پی ٹی آئی رہنماؤں کے وارنٹ گرفتاری جاری ہوئے۔ حماد اظہر، سعید سندھو اور شہباز احمد کے بھی وارنٹ گرفتاری جاری کردیے گئے۔
انسداد دہشتگردی عدالت کے ایڈمن جج منظرعلی گل نے وارنٹ جاری کئے، پولیس کا مؤقف تھا کہ علی امین گنڈا پورسمیت دیگر شامل تفتیش نہیں ہو رہے، تھانہ مستی گیٹ پولیس نے مقدمہ درج کررکھا ہے۔
