خیبرپختوانخواہ کے ضلع کرم میں دوقبائل کےدرمیان اب تک جھڑپوں میں انیس افراد جاں بحق اور اڑتیس زخمی ہوچکے ہیں۔
رپورٹس کے مطابق خیبرپختوانخواہ کے ضلع کرم میں دوقبائل کے درمیان جھڑپیں چھٹے روز بھی جار ی ہیں جھڑپوں کے نتیجے میں 19افراد جاں بحق،38 افراد زخمی ہوگئے ہیں۔
ضلعی انتظامیہ کے مطابق دونوں گروپوں کے فائر بندی کیلئے امن جرگے کی کوششیں جاری ہیں جرگے کی اولین ترجیح دونوں گروپوں کے درمیان فائربندی کرانا اور دونوں جانب بنائے گئے مورچے خالی کرانا ہے۔
دونوں گروپوں نے فائر بندی پر رضامندی ظاہر کی ہے تاہم بھاری ہتھیاروں سے فائرنگ کا سلسلہ وقفے وقفے سے جاری ہے کشیدگی کے باعث علاقے میں تعلیمی ادارے ، انٹرنیٹ اور موبائل سروسز بند ہیں۔
تازہ ترین خبروں اور تجزیوں کیلئے دیکھتے رہیں سماء نیوز لائیو
