پاکستان ریلوے نے عید کے موقع پر کراچی سے 3 عید اسپیشل ٹرینیں چلانے کا اعلان کردیا۔ کراچی سے لاہور کیلئے دو اور کراچی سے راولپنڈی کیلئے ایک عید اسپیشل ٹرین چلائی جائے گی۔
ریلوے حکام کے مطابق مسافروں کی سہولت کیلئے پہلی عید اسپیشل ٹرین کراچی کینٹ اسٹیشن سے لاہور کیلئے 26 مارچ دوپہر ایک بجے روانہ ہو گی۔
رپورٹ کے مطابق دوسری عید اسپیشل ٹرین کراچی سٹی اسٹیشن سے راولپنڈی کیلئے 27 مارچ کو مسافروں کو لے کر رات ساڑھے آٹھ بجے روانہ ہوگی۔
ریلوے حکام کا کہنا ہے کہ کراچی سے لاہور کیلئے تیسری عید اسپیشل ٹرین کراچی کینٹ اسٹیشن سے 28 مارچ کو رات 9 بجے روانہ کی جائے گی۔
