پاکستان کرکٹ ٹیم کے کپتان بابر اعظم نے اپنے تین پسندیدہ بیٹرز کے نام بتا دیئے۔
ایک انٹرویو کے دوران قومی ٹیم کے کپتان بابر اعظم کا کہنا تھاکہ بھارتی کھلاڑی ویرات کوہلی، روہت شرما اور نیوزی لینڈ کے کپتان کین ولیمسن ان کے پسندیدہ بیٹرز ہیں۔
قومی ٹیم کے کپتان کا کہنا تھا کہ وہ ان تینوں کرکٹرز سے متاثر ہوتے ہیں اور یہ دنیا کے بہترین کھلاڑیوں میں شامل ہیں۔
بابر اعظم کا کہنا تھا کہ ان تینوں کھلاڑیوں کو پریشر میں پرفارم کرنا آتا ہے اور یہ کنڈیشنز کو اچھے سے سجمھتے ہیں، ان کی بیٹنگ دیکھ کر اچھا لگتا ہے اور یہ بیٹرز مشکل صورتحال سے ٹیم کو جس طرح نکالتے ہیں وہ دیکھ کر کافی کچھ سیکھتا ہوں۔
ان کا مزید کہنا تھا کہ میں کوشش کرتا ہوں یہ دیکھوں کہ یہ کھلاڑی اچھی باؤلنگ کے آگے کیسے کھیلتے ہیں۔
تازہ ترین خبروں اور تجزیوں کیلئے دیکھتے رہیں سماء نیوز لائیو
