سوشل میڈیا پر منفی پروپیگنڈا کیس میں جوائنٹ انویسٹی گیشن ٹیم (جے آئی ٹی) نے علیمہ خان کو دوبارہ طلب کر لیا ہے۔
ذرائع کے مطابق، جے آئی ٹی نے علیمہ خان کو 14 مارچ 2025ء کو ذاتی حیثیت میں پیش ہونے کی ہدایت کی ہے۔ اس سے قبل 12 مارچ کو طلب کیے جانے کے باوجود علیمہ خان جے آئی ٹی کے سامنے پیش نہیں ہوئیں۔
ذرائع کے مطابق، وفاقی حکومت کی جانب سے قائم کردہ جے آئی ٹی کی سربراہی آئی جی اسلام آباد پولیس کر رہے ہیں۔ یہ تحقیقاتی کمیٹی الیکٹرانک جرائم کی روک تھام ایکٹ 2016ء کے سیکشن 30 کے تحت تشکیل دی گئی ہے۔
تحقیقات کے حوالے سے جے آئی ٹی کے پاس ٹھوس اور مستند شواہد موجود ہیں، جن کی بنیاد پر مزید کارروائی عمل میں لائی جا رہی ہے۔
