ایس آئی ایف سی کے تعاون سےتوانائی اور معدنیات کےشعبے میں اہم پیشرفت، ماڑی انرجیز نے خیبرپختونخوا کے وزیرستان بلاک میں قدرتی گیس کے ذخائر دریافت کرلئے، جن سے یومیہ 12.96 ملین کیوبک فٹ تک گیس کی پیداوار متوقع ہے۔
توانائی اور معدنیات کا شعبہ ایس آئی ایف سی کے ترجیحی شعبوں میں شمار کیا جاتا ہے جو ملکی معیشت کی ترقی و خوشحالی میں معاون ہے۔
ماڑی انرجیز لمیٹد اپنی کامیاب حکمت عملی کے باعث قدرتی گیس کی پیداواری صلاحیت کے لحاظ سے پاکستان کا دوسرا بڑا ادارہ ہے۔
تیل و گیس کے ذخائر کی تلاش کیلئے ماڑی انرجیز کی جانب سے ملک بھر میں 12 بلاکس میں آپریشنز کی توسیع، جدید گیس پروسیسنگ پلانٹ بھی اپ گریڈ کردیئے گئے ہیں۔
ماڑی انرجیز ملک کے مختلف علاقوں میں گیس ذخائر کی دریافت سمیت کان کنی میں اہم کردار ادا کررہا ہے، اس کی کامیاب کوششوں کی بدولت حال ہی میں ماڑی انرجیز کی جانب سے خیبرپختونخوا کے وزیرستان بلاک میں قدرتی گیس کے ذخائر دریافت ہوئے ہیں۔
ماڑی انرجیز کے مطابق نئے دریافت شدہ کنویں سے یومیہ 12.96 ملین کیوبک فٹ تک گیس کی پیداوار متوقع ہے۔
ماڑی انرجیز کے ماتحت ماڑی منرلز کی مربوط حکمت عملی میں تانبے اور سونے کی کان کنی پر زور دیا جارہا ہے جبکہ متنوع سرمایہ کاری کا عمل جاری ہے۔
ماڑی منرلز کا معدنی ذخائر کی تلاش کیلئے 87 فیصد حصص کے ساتھ معدنی لائسنس حاصل کرنے کا معاہدہ ہوا ہے۔
ایس آئی ایف سی کے تعاون سے ماڑی انرجیز لمیٹڈ نے تیل و گیس کے مزید ذخائر کی تلاش اور کان کنی کے شعبے کے فروغ کیلئے کوششیں جاری رکھنے کا عزم اظہار کیا ہے۔
