مصطفیٰ قتل کیس کی اہم کردار زوما کا بیان ریکارڈ کرلیا گیا۔ زوما پر ارمغان نے گھر بلا کر بدترین تشدد کیا ۔ نازیبا ویڈیو بھی بنائی۔ اے ایس آئی پر ارمغان کی سہولت کاری کا الزام بھی لگا دیا۔
تفصیلات کے مطابق مصطفیٰ قتل کیس کی اہم کردار زوما کا بیان ریکارڈ کرلیا گیا۔ پولیس کو ابتدائی بیان میں زوما نے بتایا کہ ارمغان نے گھر بُلاکر بدترین تشدد کیا،نازیبا ویڈیو بھی بنائی، حالت غیر ہوئی تو ارمغان نے پولیس افسر کو بلایا۔
بیان کے مطابق زوما علاج کیلئے نجی اسپتال پہنچی تو انتظامیہ نے پولیس کو زوما سے زیادتی اور تشدد کا بتایا لیکن کوئی کارروائی نہ ہوئی ۔ ڈی آئی جی مقدس حیدر کہتے ہیں اے ایس آئی کو حراست میں لے کر تفتیش کررہے ہیں ۔
تفتیشی ذرائع کے مطابق زوما 31 دسمبر کو ارمغان کے ساتھ تھی، چند روزبعد ارمغان نے اُسے فون کرکے گھر بلایا۔ مصطفیٰ سے ہونیوالی لڑائی سے متعلق پوچھ گچھ کی۔
ڈی آئی جی سی آئی اے مقدس حیدر کہتے ہیں کہ ارمغان سے رابطہ رکھنے والے گذری تھانے کے اے ایس آئی کو حراست میں لے لیا ہے۔ جس سے مصطفیٰ قتل کیس سے تعلق اور کرپشن کی تحقیقات کررہے ہیں۔
