انگلینڈ کے کھلاڑی برائڈن کارس انجری کی وجہ سے چیمپئنز ٹرافی 2025 سے باہر ہوگئے۔
چیمپئنز ٹرافی 2025 کے دوران انگلش ٹیم کو اہم دھچکا لگا ہے کیونکہ اہم کھلاڑی برائڈن کارس پاؤں کی انجری کے باعث ایونٹ سے باہر ہوگئے ہیں۔
انٹرنیشنل کرکٹ کونسل ( آئی سی سی ) کے مطابق انگلینڈ کے اسکواڈ میں اہم تبدیلی ہوئی ہے اور کارس کی جگہ نوجوان کھلاڑی ریحان احمد کو انگلش اسکواڈ میں شامل کیا گیا ہے۔
آئی سی سی ٹیکنیکل کمیٹی نے ریحان احمد کی شمولیت کی باضابطہ منظوری دے دی ہے جو کہ پلیئر ریپلیسمنٹ کے عمل کے لیے ضروری ہوتی ہے۔
انگلش ٹیم نے پہلے ہی ریحان احمد کو متبادل کھلاڑی کے طور پر نامزد کیا تھا اور اب ان کے انتخاب کو گرین سگنل مل گیا ہے۔
