بھارتی کرکٹ ٹیم کے نائب کپتان شبھمن گل نے کہا ہے کہ پاکستان کے خلاف جارحانہ اور مثبت کرکٹ کھیلنے کی کوشش کریں گے۔
پاکستان کیخلاف میچ سے قبل پریس کانفرنس کے دوران بھارتی اوپنر اور نائب کپتان شبھمن گل کا کہنا تھا کہ جو ٹیم پریشر برداشت کرے اس کے امکانات زیادہ ہوتے ہیں، میرے خیال میں ٹاس کا زیادہ کردار نہیں ہوگا لیکن اوس پڑنے کی صورت میں ٹاس اہم ہوسکتا ہے کیونکہ اوس نہ پڑے تو بعد میں بیٹنگ کرنا مشکل ہوسکتا ہے ، اوس نہ پڑے تو سلووکٹ پر بیٹنگ کرناآسان نہیں ہوتا۔
بھارتی نائب کپتان کا کہنا تھا کہ مڈل اوورز میں اچھا کھیلیں تو جیتنا آسان ہوتا ہے۔
شبمن گِل نے کہا کہ ہم جارحانہ اور مثبت کرکٹ کھیلنے کی کوشش کریں گے، اگر میچ پرانی وکٹ پر ہوا تو 280 سے 300 رنزکا ٹوٹل اچھا ہوگا اور اگر وکٹ تبدیل ہوئی تو 350 رنزبھی بن سکتے ہیں۔
انہوں نے کہا کہ چیمپینز ٹرافی میں غلطی کی گنجائش کم ہوتی ہے، پاکستان کا میچ دیگر میچز سے مختلف نہں ، ہم ہر میچ ایک ہی سوچ کے ساتھ کھیلتے ہیں۔
ان کا مزید کہنا تھا کہ بیٹنگ کرتے ہوئے یہ نہیں سوچتا کہ نائب کپتان ہوں۔
