پاکستان نے سست ترین بیٹنگ کا بدترین ریکارڈ اپنے نام کرلیا۔
پاکستان نے چیمپئنز ٹرافی کے افتتاحی میچ میں نیوزی لینڈ کیخلاف سست ترین بیٹنگ کا بدترین ریکارڈ اپنے نام کرلیا، میچ میں بابراعظم نے 52 ڈاٹ بالز کھیلیں۔ فخر زمان نے 30 سعود شکیل نے 15 اور رضوان نے 11 ڈاٹ بالز کھیلیں۔
میچ میں مجموعی طور پر پوری ٹیم نے 284 میں سے 162 گیندوں پرکوئی رن نہیں بنایا۔ 47 اعشاریہ دو اوورز میں سے 27 اوورز ضائع کردیئے۔
واضح رہے کہ آئی سی سی چیمپئنز ٹرافی کے افتتاحی میچ میں نیوزی لینڈ نے پاکستان کو 60 رنز سے شکست دیتے ہوئے ٹورنامنٹ میں فاتحانہ آغاز کر دیاہے ۔ پاکستان کی پوری ٹیم نیوزی لینڈ کی جانب سے دیئے گئے 321 رنز کے ہدف کے تعاقب میں 260 رنز بنا کر آوٹ ہو گئی جس میں خوشدل شاہ 69 رنز کے ساتھ سرفہرست رہے جبکہ بابراعظم 64 رنز بنانے میں کامیاب ہوئے ۔
