اسلام آباد ہائی کورٹ نے بانی پی ٹی آئی عمران خان کی بشریٰ بی بی سے ملاقات نہ کرانے پر جیل سپرنٹنڈنٹ کو 27 فروری کو ذاتی حیثیت میں طلب کر لیا۔
قائم مقام چیف جسٹس سرفراز ڈوگر نے توہین عدالت کی درخواست پر سماعت کی۔ بانی پی ٹی آئی کے وکیل فیصل چوہدری نے بتایا کہا کہ 28 جنوری کو جیل سپرنٹنڈنٹ نے بانی پی ٹی آئی سے بشریٰ بی بی کی ملاقات کرانے کا بیان دیا تھا لیکن اس پر عمل درآمد نہیں ہوا۔
قائم مقام چیف جسٹس سرفراز ڈوگر نے کہا کہ اس عدالت کے حکم پر عمل کیوں نہیں ہوا ۔ لا افسراس آرڈر پرعمل درآمد یقینی بنوائیں۔ عدالت نے 27 فروری تک سماعت ملتوی کرتے ہوئے جیل سپرنٹنڈنٹ کو ذاتی حیثیت میں طلب کر لیا۔
