پرائیویٹ میڈیکل کالجز کے داخلوں کے لیے دوسری سلیکشن لسٹ جاری کردی گئی۔
پنجاب کے 32پرائیویٹ میڈیکل کالجزمیں داخلوں کی دوسری سلیکشن لسٹ جاری کی گئی ہے،یونیورسٹی آف ہیلتھ سائنسز نےسلیکشن لسٹ اپنی ویب سائٹ پر جاری کردی،دوسری سلیکشن لسٹ ایم بی بی ایس کی 1744 خالی سیٹوں کیلئے لگائی گئی۔
دوسری لسٹ میں ایم بی بی ایس کےکم از کم میرٹ میں 4.17 فیصدکمی کی گئی ہے،نئے داخل امیدواروں کیلئےفیس جمع کروانے اور جوائننگ کی آخری تاریخ 17 فروری ہے،اپ گریڈ امیدواروں کیلئے بھی مقررہ تاریخ تک نئے کالجوں میں رپورٹ کرنا لازمی ہے،اپ گریڈ ہونے والے امیدواروں کی فیس انکے کالجز نئے کالجوں کو ٹرانسفر کریں گے۔
