سرکاری ڈسکوز اور کے الیکٹرک صارفین کیلئے بجلی سستی کر دی گئی۔
ملک بھر کے بجلی صارفین کیلئے اچھی خبر سامنے آئی ہے ، ماہانہ فیول پرائس ایڈجسٹمنٹ کی مد میں بجلی کی قیمتوں میں کمی کردی گئی ہے۔
اس حوالے سے نیپرا کی جانب سے جاری کردہ نوٹیفکیشن کے مطابق سرکاری تقیسم کار کمپنیوں کے صارفین کیلئے فی یونٹ 1 روپے 22 پیسے اور کے الیکٹرک صارفین کیلئے فی یونٹ قیمت میں 1 روپے 23 پیسے کمی کی گئی ہے۔
قیمتوں میں کمی ماہانہ فیول پرائس ایڈجسٹمنٹ کی مد میں کی گئی ہے۔
نوٹیفکیشن کے مطابق سرکاری ڈسکوز کے صارفین کیلئے ماہ دسمبر کے ایف سی اے کی مد میں کمی کی گئی جبکہ کے الیکٹرک صارفین کیلئے ماہ نومبر کے ایف سی اے کی مد میں بجلی سستی کی گئی ہے۔
نوٹیفیکشن کے مطابق ملک بھر کے صارفین پر قیمت میں کمی کا اطلاق فروری کے بلز پر ہوگا۔
لائف لائن صارفین ، چارجنگ اسٹیشنز اور تین سو یونٹ سے زائد والے صارفین پر اطلاق نہیں ہوگا۔
