سہہ ملکی سیریز کے تیسرے میچ کیلئے قومی ٹیم میں بڑی تبدیلی کرتے ہوئے حارث روف کی جگہ عاکف جاوید کو سکواڈ میں شامل کرنے کا فیصلہ کر لیا گیاہے ۔
ذرائع کے مطابق قومی ٹیم کے فاسٹ باولر حارث روف کی انجری کے بعد سلیکشن کمیٹی نے سر جوڑ لیئے ہیں، ٹرائی نیشن سیریز میں حارث روف کے متبادل کھلاڑیوں کو سکواڈ میں شامل کیئے جانے کا امکان ہے ، سلیکشن کمیٹی نے حارث روف کے متبادل کھلاڑی کے طور پر وسیم جونیئر ، عاکف جاوید اور محمد علی پر بحث کی تاہم قومی سلیکشن کمیٹی نے عاکف جاوید کو حارث روف کے متبادل کے طور پر شامل کرنے کی حامی بھر لی ۔
ذرائع کا کہناہے کہ عاکف جاوید کے نام کا اعلان جلد ہونے کا امکان ہے تاہم حارث روف کو بھی قومی سکواڈ کے ہمراہ ہی رکھنے کا فیصلہ ہواہے ۔ چیمپئنز ٹرافی کے سکواڈ میں تاحال کوئی تبدیلی کا امکان نہیں ہے ، حارث روف نیوزی لینڈ کیخلاف میچ میں سائیڈ سٹرین کا شکار ہو گئے تھے۔
پاکستان ٹرائی نیشن سیریز کا تیسرا میچ جنوبی افریقہ کے خلاف 12 فروری کو کھیلا جائے گا ۔
