صائم ایوب نے قوم سے پاکستان ٹیم کو سپورٹ کرنے کی اپیل کردی، کہا کہ ہماری ٹیم اچھی ہے، امید ہے چیمپئنز ٹرافی میں اچھے نتائج آئیں گے، قسمت میں جو لکھا ہوتا ہے وہی ہوتا ہے۔
انجری کے شکار پاکستانی اوپنر صائم ایوب کا چیمپئنز ٹرافی سے متعلق پہلا بیان سامنے آگیا، ان کا کہنا ہے کہ جو قسمت میں لکھا ہوتا ہے ہمیشہ وہی ہوتا ہے، میں چاہتا ہوں سب لوگ دعا کریں اور پاکستان ٹیم کو سپورٹ کریں۔
صائم ایوب نے کہا کہ ہماری ٹیم بہت اچھی ہے اور فارم میں بھی ہے، مجھے امید ہے چیمپئنز ٹرافی میں اچھے نتائج آئیں گے، مجھے پاکستان ٹیم پر بہت بھروسہ ہے۔
اوپنر کا کہنا ہے کہ لاہور اسٹیڈیم کی افتتاحی تقریب لائیو دیکھ رہا تھا، بہت اچھی تقریب تھی اور انتظامات بھی شاندار تھے، نیا گراؤنڈ دیکھ کر خوشی ہوئی، امید ہے جلد مجھے بھی وہاں کھیلنے کا موقع ملے گا۔
