ادارہ شماریات نے ہفتہ وار مہنگائی کی رپورٹ جاری کر دی ہے ، گزشتہ ہفتے مہنگائی کی شرح میں 0.21 فیصد کمی ریکارڈ کی گئی ہے جبکہ مہنگائی کی سالانہ شرح 1.02 فیصد کی کم سطح پر آ گئی ، برائلر مرغی 17 روپے 75 پیسے فی کلو سستی جبکہ چینی 2.68 روپے مہنگی ہوئی ۔
تفصیلات کے مطابق ملک میں چینی کی قیتموں میں مسلسل اضافہ جاری رہا، ایک ہفتےمیں ملک میں چینی 2 روپے68 پیسے فی کلو مزید بڑھ گئی اور قیمت 153 روپے 11 پیسے فی کلو پر پہنچ چکی ہے ۔
حالیہ ہفتے کیلے 4 روپے 38 پیسے فی درجن مہنگے ہوئے،لہسن 3روپے 5 پیسے، جلانے والی لکڑی 3 روپے فی من ، باسمتی چاول، 390 گرام دودھ کے پیکٹ سمیت دیگر اشیاء بھی مہنگی ہوئیں ۔
ایک ہفتے میں 16 اشیاء سستی 22 کی قیمتوں میں استحکام رہا ۔ ٹماٹر 7 روپے 94 پیسے،آلو4 روپے39 پیسے فی کلو ، پیاز 4روپے 19 پیسے، برائلر مرغی 17 روپے 75 پیسے فی کلو ، دال چنا 6 روپے 11 پیسے، دال ماش 4 روپے فی کلو ، بیس کلو آٹے کا تھیلا 5روپے16 پیسے، ڈھائی کلو گھی کا ٹن 3روپے 26 پیسے ہوا۔
ان کے علاوہ انڈے، ایل پی جی کا سلنڈر اور دال مسور کی قیمت میں بھی کمی آئی ہے ۔
