جنوبی افریقا نے سہ فریقی سیریز کے پہلے میچ کیلئے اسکواڈ کا اعلان کردیا، نیوزی لینڈ کیخلاف میچ میں 6 کھلاڑی ون ڈے ڈیبیو کریں گے۔
پاکستان، نیوزی لینڈ اور جنوبی افریقا کے درمیان سہ فریقی سیریز 8 فروری سے 12 فروری تک کھیلی جائے گی۔
جنوبی افریقا نے 10 فروری کو نیوزی لینڈ کیخلاف سہ فریقی سیریز میں اپنے پہلے ون ڈے کیلئے اسکواڈ کا اعلان کردیا، ٹیمبا باووما کپتان ہوں گے۔
جنوبی افریقا کے اسکواڈ میں 6 نئے پلیئرز کو شامل کیا گیا ہے، دیگر کھلاڑیوں کا اعلان جنوبی افریقی ٹی 20 لیگ کے ایلیمنیٹر میچ کے بعد کیا جائے گا۔
اسکواڈ میں شامل کھلاڑیوں میں ٹیمبا باووما (کپتان)، ایتھن بوش، میتھیو بریزکے، جیرالڈ کوئٹزے، جونیئر دالا، ویان موڈلر، مہلالی ایم پونگوانا، سینوران موتھوسامی، گیڈیون پیٹرز، جیسن اسمتھ، کائل ورین شامل ہیں۔
سہ فریقی سیریز میں جنوبی افریقا اپنا دوسرا میچ پاکستان کیخلاف 12 فروری کو کھیلے گا جبکہ فائنل میچ 14 فروری کو کھیلا جائے گا۔
