لاہور ہائیکورٹ بار نے 10 فروری کو اسلام آباد کی جانب مارچ کا اعلان کردیا۔
چھبیس ویں آئینی ترمیم کیخلاف لاہور ہائیکورٹ بار کے زیر اہتمام وکلاء کنونشن ہوا، صدر ہائی کورٹ بار اسد منظور بٹ نے اعلامیہ پیش کرتے ہوئے کہاکہ10فروری کو اسلام آباد کی جانب مارچ ہو گا۔
وکلا نے چھبیس ویں ترمیم کےخلاف سماعت فُل کورٹ میں کرنے کا مطالبہ کردیا۔ اعلامیے کے مطابق سپریم کورٹ کی کارروائی براہ راست دکھائی جائے۔
اعلامیے میں کہا گیا ہے کہ سپریم جوڈیشل کونسل کا اجلاس فوری منسوخ کیا جائے اور چھبیس ویں ترمیم کا فیصلہ ہونے تک نئی تعیناتیاں نہ کی جائیں۔ اسلام آباد ہائیکورٹ کے سینئر جج کو ہی چیف جسٹس بنایا جائے۔ وکلا نے متنازع پیکا ایکٹ کی بھی مذمت کی۔
