بیرونی قرض کی ادائیگی کے باعث پاکستان کے ڈالر ذخائر میں کمی ہوگئی۔
اسٹیٹ بینک آف پاکستان ( ایس بی پی ) کی جانب سے ذخائر سے متعلق ہفتہ وار اعدادو شمار جاری کردیے گئے ہیں جن کے مطابق ملکی زرمبادلہ ذخائر 26 کروڑ 16 لاکھ ڈالر کم ہو کر 16 ارب 19 کروڑ ڈالر رہ گئے ہیں۔
مرکزی بینک کے مطابق ایک ہفتے میں اسٹیٹ بینک کے ڈالر ذخائر میں 27 کروڑ 63 لاکھ ڈالر کی کمی آئی ہے۔
اسٹیٹ بینک کے پاس 11 ارب 45 کروڑ ڈالرز کا ذخیرہ باقی رہ گیا۔
بینکوں کے ڈالر ڈیپازٹس ایک ہفتے میں ڈیڑھ کروڑ ڈالر بڑھ کر 4 ارب 74 کروڑ ڈالر ہوگئے ہیں۔
