چیئرمین عبدالخبیر آزاد کی زیر صدارت شوال کا چاند دیکھنے کیلئے مرکزی رویت ہلال کمیٹی کااجلاس اسلام آباد میں جاری ہے تاہم اب تک چاند دیکھنے کی کوئی شہادت موصول نہیں ہوئی۔
تفصیلات کے مطابق اجلاس میں محکمہ موسمیات اور سپارکو کے نمائندے ، مختلف مکاتب فکر کے علمائے کرام ، وزارت سائنس اینڈ ٹیکنالوجی کے نمائندے اجلاس میں شریک ہیں، شوال المکرم کےچاند کی شہادتوں کاجائزہ لینے کے بعد عید الفطر کا اعلان ہو گا۔
ماہرین کے مطابق شوال کا چاند پاکستانی وقت کے مطابق صبح 6 بج کر 23 منٹ پر پیدا ہواہے ، آج شام غروب آب کے وقت چاند کی عمر پاکستان کے تمام علاقوں میں 13 گھنٹوں سے بھی کم ہو گی ۔اس لیے عیدالفطر ہفتے کے روز ہونے کے زیادہ امکانات ہیں، چاند نظر آنے کیلئے کم از کم عمر 19 گھنٹے اور فرق 40 منٹ ہونا چاہیے ۔
لاہوراور پشاور میں بھی عیدالفطر کا چاند دیکھنے کیلئے زونل رویت ہلال کمیٹیوں کا اجلاس شروع ہو گیاہے ،، لاہور میں مولانا مختار احمد، علامہ حسین اکبری،مفتی محمد عمران سمیت دیگر ممبران اجلاس میں شرکت کر رہے ہیں ۔
پشاور میں زونل کمیٹی کے اجلاس میں مولانا ڈاکٹر عبدالغفور، مفتی عتیق اللہ، مولانا عبد البصیر شریک ہیں۔ان علاوہ مولانا محمد علی شاہ، محمد طیب قریشی، علامہ عابد حسین شاکری، قاری عبد الرؤف مندی بھی اجلاس میں شرکت کر رہے ہیں۔
