وفاقی ادارہ شماریات نے بڑی صنعتوں کی کارکردگی رپورٹ جاری کردی۔ پہلے 5 ماہ میں لارج اسکیل مینوفیکچرنگ کی گروتھ منفی ریکارڈ کی گئی۔
وفاقی ادارہ شماریات نے بڑی صنعتوں کی رواں مالی سال کی کارکردگی رپورٹ جاری کردی، پہلے 5 ماہ میں لارج اسکیل مینوفیکچرنگ کی گروتھ منفی ریکارڈ کی گئی۔
رپورٹ کے مطابق لارج اسکیل مینوفیکچرنگ کی جولائی تا نومبر گزشتہ سال کے مقابلے گروتھ منفی 1.25 فیصد رہی، نومبر 2024ء میں بھی گزشتہ سال کی نسبت کارکردگی 3.81 فیصد منفی ریکارڈ کی گئی تھی۔
رپورٹ میں بتایا گیا ہے کہ گاڑیوں کی صنعت 51 فیصد گروتھ کے ساتھ کارکردگی میں نمایاں رہی، نومبر 2024ء میں گاڑیوں کی پیداوار میں 89 فیصد کا نمایاں اضافہ ریکارڈ کیا گیا۔
ایف بی ایس رپورٹ کے مطابق تمباکو 31 فیصد، ٹیکسٹائل کی پیداوار میں 2.28 فیصد بہتری آئی، ملبوسات کے شعبے نے 11.5 فیصد کی شرح سے ترقی کی۔
وفاقی ادارہ شماریات نے بتایا کہ فوڈ، بیوریجز، پیپر بورڈ، فارما سیوٹیکل، کمپیوٹر، الیکٹرانکس کی پیداوار میں بہتری آئی ہے جبکہ چمڑے، لکڑی، پیٹرولیم، کیمیکلز، ربڑ، لوہے اور اسٹیل کی پیداوارمیں کمی ہوئی ہے۔
رپورٹ کے مطابق لارج مینوفیکچرنگ کے شعبے میں دھاتوں، مشینری، فرنیچر اور فٹ بال سمیت دیگر اشیاء کی پیداوار گر گئی۔
