لاہور ہائی کورٹ بار نے سپریم کورٹ میں چھبیسویں آئینی ترمیم کیس کی سماعت کے لیے فل کورٹ تشکیل دینے کی درخواست دائر کردی۔
لاہور ہائی کورٹ بار کی جانب سے دائر درخواست میں مؤقف اختیار کیا گیا ہے کہ آئینی ترمیم کا مقدمہ انتہائی اہمیت کا حامل ہے۔ ماضی میں بھی ایسے مقدمات فل کورٹ ہی سنتی رہی ہے لہذا کیس کی سماعت کے لیے سپریم کورٹ کے تمام ججز پر مشتمل بینچ تشکیل دیا جائے۔
درخواست میں عدالت سے استدعا کی گئی ہے کہ فل کورٹ تشکیل دینے کے لیے معاملہ جوڈیشل کمیشن کو بھیجا جائے۔ درخواست میں مزید استدعا کی گئی ہے کہ فل کورٹ میں وہ تمام ججز شامل کیے جائیں جو آئینی ترمیم کے وقت سپریم کورٹ کا حصہ تھے۔
