کیلی فورنیا کے شہر لاس اینجلس کےمضافات میں جنگل کی آگ نے درجنوں گھروں کو لپیٹ میں لےلیا،دو ہزار نو سو ایکڑ رقبہ جل کر راکھ ہوگیا،آگ پر قابو پانے کے لیےزمینی اور فضائی آپریشنز جاری ہیں۔
امریکا کے مشرق میں برفانی طوفان،مغربی حصے میں آگ نےتباہی مچادی،لاس اینجلس کے مضافات میں جنگل کی آگ بے قابو،تیز ہواؤں نے شعلوں کو بھڑکا دیا۔
آگ پرقابو پانے کے لیے زمینی اور فضائی آپریشنز جاری،آگ اور دھواں کےباعث مرکزی شاہراہ کو بند کر دیا گیا،معروف رہائشی منصوبہ دی گیٹی ولا بھی شعلوں کی لپیٹ میں آگیا۔
آگ سے سیاحتی مقام پیلی سیڈز شدید متاثر ہوا،امریکی میڈیا کے مطابق 30 ہزار شہری محفوظ مقام پر منتقل کردیا گیا ہےجبکہ 2 ہزار 900 ایکڑ رقبہ جل کر راکھ ہوگیا،شہر کو بجلی کی سپلائی معطل ہوگئی۔
