مری میں کوہسار گرینڈ جرگہ کے خلاف پولیس نے ایف آئی آر درج کر لی۔
متحدہ ایکشن کمیٹی کے رہنما راجہ طفیل اخلاق کو مقدمے میں نامز کیا گیا ہے۔ ایف آئی آر میں دہشتگردی سمیت متعدد دفعات شامل کی گئی ہیں۔
ایف آئی آر کے مطابق راجہ طفیل اخلاق نے تقریر کے ذریعے اشتعال دلایا، جرگہ سے شاہد خاقان، صداقت عباسی، مہرین راجہ سمیت دیگر نے خطاب کیا تھا۔
واضح رہے کہ دو روز قبل پنجاب حکومت کے'مری ڈیولپمنٹ پلان' کے خلاف مری میں گرینڈ جرگے کا انعقاد کیا گیا جس میں مختلف سیاسی جماعتوں، تاجروں اور عوام نے شرکت کی۔
مری کے علاقے لوئر ٹوپہ کے مقام پر گرینڈ عوامی جرگہ منعقد ہوا اور 27 دسمبر کو مری کے تمام چھوٹے بڑے بازاروں میں شٹر ڈاؤن ہڑتال کا اعلان کر دیا گیا۔
گرینڈ جرگے سے ن لیگ نے مکمل بائیکاٹ کا اعلان کیا۔ جرگے میں تحریک انصاف، پیپلز پارٹی، جماعت اسلامی اور جمعیت علماء اسلام نے بھی بھرپور شرکت کی۔
