پاکستان شوبز انڈسٹری کی معروف اداکارہ سارہ خان نے اپنی صحت کے حوالے سے مداحوں کو آگاہ کر دیا۔
یاد رہے کہ چند روز قبل اداکارہ سارہ خان کے شوہر اور معروف گلوکار فلک شبیر نے فوٹو اینڈ ویڈیو شیئرنگ پلیٹ فارم انسٹاگرام پر اپنی اہلیہ کی اسپتال سے ایک فوٹو شیئر کرتے ہوئے مداحوں سے دعاؤں کی درخواست کی تھی۔
فلک شبیر کے پیغام پر سارہ خان کے مداح ان کی صحت کے حوالے سے پریشان ہوگئے تھے۔
تاہم، سارہ نے اپنی انسٹا سٹوری کے ذریعے مداحوں کی اپنی صحت سے متعلق آگاہ کیا ہے اور کہا کہ وہ اب پہلے سے بہتر ہیں۔
اپنے پیغام میں سارہ کا کہنا تھا کہ ایسے وقت کے دوران ہمیں احساس ہوتا ہے کہ ہمارے مداح اور دوست واقعی ہمارے لیے کتنے معنی رکھتے ہیں، تمام محبتوں اور دعاؤں کے لیے آپ سب کا شکریہ ادا کرتی ہوں، میں گھر ہوں اور اب بہت بہتر ہوں۔
ان کا اپنے شوہر کو مینشن کرتے ہوئے مزید کہنا تھا کہ ’ جب آپ کے پاس فلک شبیر جیسا شوہر ہو تو آپ کو ڈاکٹر کی کیا ضرورت ہے ‘۔
