پنجاب حکومت نے راولپنڈی رنگ روڈ منصوبہ کے پی سی ون پر نظر ثانی کر لی، منصوبے کی لاگت چھ ارب روپے بڑھ کر بتیس ارب نوے کروڑ روپے ہوگئی ۔
ڈی جی آر ڈی اے کنزہ مرتضیٰ کے مطابق سی ڈی ڈبلیو پی نے راولپنڈی رنگ روڈ منصوبے کے پی سی ون میں نظر ثانی کی منظوری دیدی ہے ۔ نظر ثانی سے قبل منصوبے کی لاگت کا تخمینہ چھبیس ارب نوے کروڑ روپے تھا ۔
ڈی جی آر ڈی اے کے مطابق سی ڈی ڈبلیو پی نے رنگ روڈ پراجیکٹ کے نظرثانی شدہ پی سی ون کو کلیئر کر دیا ہے، اڑتیس اعشاریہ تین کلومیٹر کے رنگ روڈ پراجیکٹ پر بانٹھ،چک بیلی خان، اڈیالہ روڈ، چکری روڈ اور ٹھلیاں کے مقام پر پانچ انٹر چینج تعمیر ہونگے منصوبے کی تکمیل سے راولپنڈی شہر میں ٹریفک کا بڑھتا دباؤ کم کرنے میں مدد ملے گی ۔
