راولپنڈی کی انسداد دہشتگردی عدالت نے صادق آباد، نیوٹاون اور دھمیال سے گرفتار 156 پی ٹی آئی مظاہرین کا جسمانی ریمانڈ منظور کر لیا ۔
تفصیلات کے مطابق پولیس نے صادق آباد،نیوٹاؤن اوردھمیال کی حدود سے گرفتار 191 ملزمان کو عدالت میں پیش کیا ، انسداددہشتگردی عدالت کےجج امجدعلی نے 156 ملزمان کاجسمانی ریمانڈ منظورکرلیا ہے جبکہ صادق آباد اور دھمیال سے گرفتار 35 ملزمان کو 14 روزہ جوڈیشل ریمانڈ پر اڈیالہ جیل منتقل کرنے کا حکم جاری کر دیا ۔
عدالت نے وکلاکےدلائل کے بعد 10 ملزمان کو نیوٹاؤن کے مقدمے میں بری کردیا تاہم صادق آباد کی حدود سے گرفتار77 ملزمان کا 5یوم کا جسمانی ریمانڈ منظور کیا گیا ۔
انسداد دہشتگردی عدالت کا ملزمان کو 3دسمبر کو دوبارہ پیش کرنے اور تھانہ نیوٹاؤن کے مقدمے میں 69 ملزمان کا 6 روزہ ریمانڈ منظور کرتے ہوئے ،4دسمبرکودوبارہ پیش کرنےکاحکم جاری کر دیا ۔
