بیلاروس کے صدر ایلیگزینڈر لوکاشینکو پاکستان کا تین روزہ دورہ مکمل کر کے اپنے وطن روانہ ہوگئے۔
بدھ کو وزیراعظم محمد شہباز شریف نے بیلاروس کے صدر ایلیگزینڈر لوکاشینکو کو الوداع کیا اور ان کے تین روزہ دورے کا فوٹو البم بھی پیش کیا۔
لازمی پڑھیں۔ نوازشریف سے بیلاروس کے صدر الیگزینڈر لوکا شنکو کی ملاقات
نائب وزیر اعظم اور وزیر خارجہ اسحاق ڈار اور وفاقی وزیر اطلاعات و نشریات عطا اللہ تارڑ بھی اس موقع پر موجود تھے۔
بیلاروسی صدر کے دورے کے دوران متعدد مفاہمتی یاداشتوں اور معاہدوں پر دستخط کئے گئے جن سے دونوں ممالک کے درمیان اقتصادی تعلقات میں اضافہ ہوگا۔
بیلا روس کے صدر کے ہمراہ بیلا روس کی اہم کاروباری شخصیات اور سرمایہ کاروں وفد بھی پاکستان آیا جس کی پاکستانی کاروباری شخصیات کے ساتھ کامیاب اور نتیجہ خیز ملاقاتیں ہوئیں۔
