اقتصادی امورڈویژن نے بیرونی مالی معاونت سے متعلق رپورٹ جاری کردی ہےمالی سال کےپہلےچارماہ میں پاکستان کوایک ارب بہترکروڑ ڈالرموصول ہوگئے۔
اقتصادی امور ڈویژن کی دستاویزات کے مطابق مالی سال کےپہلے 4 ماہ میں پاکستان کوایک ارب 72 کروڑ ڈالرموصول ہوا ہے، سالانہ ہدف کے مقابلے میں جولائی تا اکتوبر 8.88 فیصد فنڈز ہی حاصل ہوسکے رواں مالی سال بیرون ملک سے مجموعی 19 ارب 39 کروڑ ڈالر ملنے کا تخمینہ ہے۔
دستاویزات کے مطابق پاکستان کو4ماہ میں آئی ایم ایف سے ملنے والےایک ارب ڈالر اس کے علاوہ ہیں جولائی تا اکتوبرمجموعی طور پر 2 ارب 72 کروڑ ڈالر کی بیرونی مالی معاونت ملی پاکستان کو اس دوران مختلف ممالک سے 25 کروڑ 98 لاکھ ڈالر حاصل ہوئے دیگرعالمی مالیاتی اداروں نے پاکستان کو 72 کروڑ ڈالر سے زائد فراہم کئے۔
پاکستان نے جولائی تا اکتوبر 20 کروڑ ڈالر کا کمرشل قرضہ بھی لیا ہےنیا پاکستان سرٹیفکیٹ میں4ماہ کے دوران 54 کروڑ 21 کروڑ ڈالرکی سرمایہ کاری آئی ہے، رواں مالی سال 9 ارب ڈالر کے چینی اور سعودی ڈیپازٹس میں توسیع ملنے کا امکان ہے اس میں سعودی عرب کے 5 ارب ڈالر اور چین کے 4 ارب ڈالر کے ڈیپازٹس شامل ہیں۔
