گریژن کیڈٹ کالج کوہاٹ میں یومِ والدین کی پروقار تقریب منعقد ہوئی جس میں طلبہ، والدین، اور حاضر سروس افسران کی بڑی تعداد نے شرکت کی۔
انیس سو نوے میں قائم ہونے والےگریژن کیڈٹ کالج کوہاٹ میں یوم والدین کی تقریب کے مہمان خصوصی کمانڈنگ آفیسر کوہاٹ ڈویژن میجر جنرل ذوالفقار بھٹی تھے، جنہیں کیڈٹس کے چاق و چوبند دستے نے سلامی پیش کی۔
تقریب کےدوران کالج کے پرنسپل بریگیڈیئر ملک ناصرعلی اعوان نےسالانہ رپورٹ پیش کی،جس میں کالج کی نصابی اورغیرنصابی کامیابیوں پر روشنی ڈالی گئی۔
تقریب کے اختتام پر مہمان خصوصی نے نصابی و غیر نصابی سرگرمیوں میں نمایاں کارکردگی دکھانے والے کیڈٹس میں انعامات اور ٹرافیاں تقسیم کیں۔
