سپریم کورٹ نے اعظم سواتی کیخلاف اختیارات کے ناجائز استعمال پر ازخود نوٹس نمٹا دیا۔ جسٹس امین الدین خان نے کہا کہ کوئی متاثرہ فریق ہے تو اعظم سواتی کیخلاف متبادل فورم سے رجوع کرے۔
اعظم سواتی کیخلاف ازخود نوٹس کی سماعت جسٹس امین الدین خان کی سربراہی میں پانچ رکنی آئینی بینچ نے کی ۔ جسٹس جمال مندوخیل نے کہا کہ فوجداری واقعہ پر سابق وفاقی وزیر کیخلاف ایف آئی آر ہوئی، فوجداری مقدمے میں جائیدادوں کا معاملہ کدھر سے آگیا؟ اعظم سواتی کے ٹیکس یا جائیدادوں کا معاملہ متعلقہ محکمہ دیکھے۔
سرکاری وکیل نے کہا کہ فوجداری معاملے پر ٹرائل چل رہا ہے، جس پر جسٹس جمال مندوخیل نے کہا کہ فوجداری ٹرائل چل رہا ہے تو ٹھیک ہے۔ جسٹس محمد علی مظہر نے ریمارکس دیئے کہ اعظم سواتی پر بطور وزیر عہدے کے غلط استعمال کا الزام تھا۔
جسٹس امین الدین خان نے کہا کہ کوئی متاثرہ فریق ہے تو اعظم سواتی کیخلاف متبادل فورم سے رجوع کرے۔ اس کے ساتھ ہی سپریم کورٹ نے اعظم سواتی کیخلاف اختیارات کے ناجائز استعمال پر ازخود نوٹس نمٹا دیا۔
