بلوچستان کے علاقے جھل مگسی میں باراتیوں پر فائرنگ سے 3 افراد جاں بحق ہوگئے۔
گنداواہ کےعلاقے کوٹڑہ سے شادی کے بعد بارات کوئٹہ لیکر جانے والے دولہے کے دو سگے بھائیوں سمیت تین افراد کو پتری کے قریب مسلح افراد نے گھات لگا کر قتل کردیااور فرار ہوگئے۔
لیویز کے مطابق آج صبح تحصیل گنداواہ کےعلاقے کوٹڑہ سے شادی کے بعد بارات لیکر کوئٹہ جانے والے دولہے کے دوسگے بھائی تیسرا رشتہ دار موٹرسائيکل پر باراتیوں کےآگے کچھ فاصلے جارہے تھے کہ پتری کے قریب مسلح افراد نے گھات لگا کر انھیں جدید اسلحہ سے فائرنگ کرکے قتل کردیا۔
ورثاء نے قتل کا الزام اپنے رشتہ داروں پر لگادیا ۔ واقعہ کے بعد لیویز موقع پرپہنچ گئی تینوں مقتولین کی میتیں ڈسٹرکٹ ہیڈکوارٹر اسپتال گنداواہ منتقل کردی گئیں۔
