افغانستان کرکٹ ٹیم کے آل راؤنڈر محمد نبی کا ون ڈے انٹرنیشنل کرکٹ سے ریٹائرمنٹ سے متعلق پلان سامنے آگیا۔
افغان کرکٹ بورڈ کے چیف ایگزیکٹو نصیب خان کے مطابق آل راؤنڈر محمد نبی چیمپئنز ٹرافی 2025 کے بعد ون ڈے انٹرنیشنل کرکٹ سے ریٹائرمنٹ لے لیں گے۔
اس حوالے سے نصیب خان نے بتایا کہ محمد نبی نے اپنی ریٹائرمنٹ کے حوالے سے افغان کرکٹ بورڈ کو آگاہ کردیا ہے اور انہوں نے چند ماہ قبل ریٹائرمنٹ کے حوالے سے گفتگو کی تھی۔
چیف ایگزیکٹو کا کہنا تھا کہ ہم ان کے فیصلے کو خوش آمدید کہیں گے اور میں سمجھتا ہوں کہ نبی ٹی ٹوئنٹی کرکٹ میں کیرئیر جاری رکھیں گے۔
یاد رہے کہ 2019 میں محمد نبی نے ٹیسٹ انٹریشنل کیرئیر کو خیر آباد کہہ دیا تھا۔
محمد نبی نے 2009 میں افغانستان کے لیے ڈیبیو کیا تھا اور وہ اپنی ٹیم کی قیادت بھی کرچکے ہیں۔
