جسٹس منیب اختر دوبارہ پریکٹس اینڈ پروسیجر کمیٹی میں شامل کرلیے گئے، نوٹیفکیشن جاری کردیا گیا۔
پریکٹس اینڈ پروسیجر کمیٹی کی نئی تشکیل کا نوٹیفکیشن جاری کردیا گیا، سینئر ترین جج جسٹس منصور علی شاہ اور جسٹس منیب اختر اب کمیٹی کے رکن ہوں گے۔
یاد رہے کہ کمیٹی میں 20 ستمبر کے آرڈیننس کے بعد تبدیلی کر دی گئی تھی، سابق چیف جسٹس قاضی فائز عیسی نے جسٹس منیب کو کمیٹی سے نکالا تھا۔
دوسری جانب سپریم کورٹ میں 28 اکتوبر کو فل کورٹ اجلاس ہونےکا امکان ۔ نئے چیف جسٹس پاکستان یحییٰ افریدی پہلے ورکنگ ڈے پر فل کورٹ اجلاس کی صدارت کریں گے۔
عدالتی ذرائع کے مطابق فل کورٹ اجلاس پیر کو مقدمات کی سماعت سے پہلے ہو گا۔ اجلاس کے حوالے سے کوئی باضابطہ ایجنڈا جاری نہیں کیا گیا۔
