روسی صدر ولادی میر پیوٹن نے غزہ کے محاصرے کو لینن گراڈ کے محاصرے سے تشبیہ دے دی۔
ماسکو میں تقریب سے خطاب کرتے ہوئے روسی صدر نے کہا کہ غزہ کا محاصرہ ناقابل قبول ہے۔ یہ ایسا ہی ہے جیسے ہٹلر کی فوج نے لینن گراڈ کا محاصرہ کیا تھا۔
صدر پیوٹن نے کہا کہ اسرائیل اپنا دفاع کرے لیکن اس سے فلسطینیوں کو نقصان نہیں ہونا چاہیے۔
یہ بھی پڑھیں:۔ہم کسی بھی حال میں ہم غزہ چھوڑ کر نہیں جائیں گے: ہلال احمر فلسطین
خیال رہے کہ دوسری جنگ عظیم میں لینن گراڈ کے محاصرے کے دوران دس لاکھ روسی ہلاک ہوئے تھے۔
واضح رہے کہ فلسطینی مزاحمتی تحریک حماس اور اسرائیل کے درمیان لڑائی ساتویں دن میں داخل ہو چکی ہے جس کے نتیجے میں اب تک 1799 سے زائد فلسطینی شہید جبکہ 1300 صیہونی ہلاک ہو چکے ہیں۔
یہ بھی پڑھیں:۔یرغمالیوں کی رہائی تک غزہ کو پانی و ایندھن فراہم نہیں کیا جائیگا، اسرائیل
اسرائیلی آباد کاروں کی طرف سے مسجد اقصیٰ پر دھاوا بولنے کے متعدد واقعات کے بعد حماس نے ہفتے کے روز اسرائیل پر اچانک حملہ کیا تھا اور محض 20 منٹ میں 5000 راکٹ فائر کئے تھے جبکہ سینکڑوں اسرائیلی فوجی اور پولیس اہلکاروں کو یرغمال بھی بنایا۔
