پاکستان اور انگلینڈ کے درمیان ملتان میں ہونے والے دوسرے ٹیسٹ کے اسکواڈ سے بابر اعظم اور شاہین آفریدی کی چھٹی کا قوی امکان ہے۔
ملتان میں ہونے والے پہلے ٹیسٹ میں بدترین شکست کے بعد سابق کپتانوں بابر اعظم اور شاہین شاہ آفریدی کو دوسرے ٹیسٹ میں آرام دینے پر غور کیا جارہا ہے، قومی سلیکشن کمیٹی نے بابر اعظم کی مسلسل ناقص کارکردگی پر جبکہ سلیکٹرز نے قومی ٹیسٹ ٹیم سے شاہین شاہ آفریدی کو آرام دینے کی تجویز دی ہے۔
ذرائع کا کہنا ہے کہ کپتان اور کوچ چاہتے ہیں کہ بابر اعظم پلئینگ الیون میں رہیں تاہم حتمی فیصلہ آج چئیرمین پی سی بی محسن نقوی کرینگے۔ دوسرے ٹیسٹ کیلئے ٹیم کا اعلان چیئرمین سے مشاورت کے بعد ہوگا۔
اگر قومی ٹیم انگلینڈ کے خلاف دوسرے ٹیسٹ میچ میں دو اسپنرز کے ساتھ جاتی تو شاہین شاہ آفریدی کو آرام کروایا جاسکتا ہے، دونوں کھلاڑیوں کو اعتماد دینے کے لئے سلیکٹرز آج بابر اور شاہین سے گفتگو کرینگے۔
قبل ازیں مسلسل ناکامیوں کے بعد پاکستان ٹیسٹ ٹیم کے کپتان شان مسعود کا ستارہ بھی گردش میں آگیا ہے اور انھیں بھی قیادت سے ہٹائے جانے کا امکان ہے۔ شان مسعود کی قیادت میں پاکستان نے مسلسل چھٹے ٹیسٹ میں ناکامی کا منہ دیکھا ہے اور اس دوران کئی ایسی عبرت ناک شکستیں پائی ہیں کہ جس نے کرکٹ کی تاریخ بدترین ثابت ہوئیں۔
پی سی بی نے ملتان ٹیسٹ کی شکست کے بعد سلیکشن کمیٹی کی تشکیل نو بھی کردی گئی ہے،نئی سلیکشن کمیٹ اس میٹنگ میں اگلے ٹیسٹ میچوں کے لیے حکمت عملی مرتب کرنے کے ساتھ ٹیسٹ ٹیم کی کپتانی کی تبدیلی پر بھی غور کیا جائے گا۔
