بھارتی شہراحمد آباد میں ہونے والے پاک بھارت میچ کےجعلی ٹکٹس فروخت ہونے لگے،جبکہ بھارتی پولیس نے جعلی ٹکٹ بیچنے والے 4 افراد کو گرفتار کرلیا۔
خبر ایجنسی کی رپورٹ کے مطابق14 اکتوبر کو بھارتی شہراحمد آباد میں ہونے والے پاک بھارت میچ کےجعلی ٹکٹ 25 گنا مہنگے داموں فروخت ہورہےہیں۔
رپورٹ میں کہا گیا ہے کہ احمد آباد میں ہوائی جہازوں کے کرایوں میں بھی 4 گنا اضافہ ہوگیا جبکہ بھارتی ریلوے نے ممبئی اور احمد آباد کےدرمیان 2 سپر فاسٹ ٹرین چلانے کا فیصلہ کیا ہے۔
خبر ایجنسی کے مطابق میچ والے دن احمد آباد شہر کو نو ڈرون زون قرار دیا گیا،14اکتوبر کو احمدآباد میں ڈرونزاُڑانے پر مکمل پابند ی ہوگی،جبکہ میچ والے دن 11 ہزار سیکورٹی اہلکارتعینات ہوں گے۔
