الیکشن کمیشن آف پاکستان نے تحریک انصاف کے مخصوص نشستوں سے متعلق وضاحت کےلیے ایک بار پھر سپریم کورٹ سے رجوع کرلیا۔
تفصیلات کے مطابق تحریک انصاف کو مخصوص نشستیں دینے یا نہ دینے کے معاملے پر الیکشن کمیشن نے سپریم کورٹ سے وضاحت کیلئے ایک بار پھر رجوع کر لیا۔
درخواست میں کہا گیا ہے کہ پارلیمنٹ نے الیکشن ترمیمی ایکٹ کی صورت میں اب قانون بنا دیا ہے،12 جولائی کے مختصر فیصلے پر جب وضاحت مانگی گئی تب نیا ایکٹ موجود نہیں تھا، الیکشن ترمیمی ایکٹ آنے کے بعد عدالتی فیصلے پر رہنمائی کی جائے۔ بتایا جائے پارلیمنٹ کے قانون پرعملدرآمد کریں یا سپریم کورٹ کے فیصلے پر کریں۔
واضح رہے دو روز قبل سپریم کورٹ کے اکثریتی ججز نے مخصوص نشستوں سے متعلق کیس کا تفصیلی فیصلہ جاری کیا تھا جس میں الیکشن کمیشن کو ایک بار پھر حکم دیا گیا تھا کہ وہ مخصوص نشستوں پر تحریک انصاف کے امیدواروں کو نوٹیفائی کرے۔
