سپریم کورٹ میں آرٹیکل 63 اے نظرثانی کیس سماعت کے لئے مقرر ہوگیا۔
سپریم کورٹ میں 63 اے نظرثانی کیس کی سماعت کیلئے 5 رکنی لارجر بینچ تشکیل دے دیا گیا ہے جو کہ 30 ستمبرکو کیس کی سماعت کرے گا۔
چیف جسٹس پاکستان قاضی فائز عیسیٰ 63 اے نظرثانی بینچ کی سربراہی کریں گے۔
بینچ میں جسٹس منیب اختر ، جسٹس امین الدین خان، جسٹس جمال مندوخیل اور جسٹس مظہرعالم میاں خیل بینچ میں شامل ہوں گے۔
آرٹیکل 63 اے کی تشریح کا اکثریتی فیصلہ جسٹس منیب اختر نے تحریر کیا تھا جس کے مطابق پارٹی پالیسی کے خلاف رکن اسمبلی کا ووٹ شمار نہیں ہوگا، وہ نااہل بھی ہوجائے گا۔
سپریم کورٹ پریکٹس اینڈ پروسیجر کمیٹی کے تحت ججز کمیٹی کے اجلاس میں کیس کی سماعت کا فیصلہ کیا گیا۔
اجلاس میں آڈیو لیکس کمیشن کیس کی سماعت کیلئے بھی 5 رکنی لارجر بینچ تشکیل دے دیا گیا ہے جس کی سربراہی جسٹس منصورعلی شاہ کریں گے۔
بینچ میں جسٹس یحییٰ آفریدی ، جسٹس جمال مندوخیل اور جسٹس مسرت بھی ہلالی شامل ہیں۔
آڈیو لیک کمیشن کیس کی سماعت کی تاریخ بعد میں جاری کی جائے گی۔
