ملکی معیشت کی بحالی کے لیے حکومت کا اینٹی اسمگلنگ کریک ڈاؤن جاری ہے۔
آٹا، چینی، کھاد اور تیل جیسی اہم اشیاء کی اسمگلنگ کے باعث عوام کو بدترین حالات کا سامنا کرنا پڑتا ہے،عوام کی سلامتی اور مستحکم معیشت کی خاطر اسمگلنگ کے خلاف کریک ڈاؤن کا آغاز کردیاگیا۔
1 ستمبرسے 8ستمبر کےدوران ملک بھر سے 126.4 میٹرک ٹن چینی، 4 میٹرک ٹن آٹا، 3252سگریٹ کےسٹاکس، 58کپڑے کے تھان اور 0.959 ملین لیٹر ایرانی تیل برآمد ہوا،متعلقہ اداروں نے کراچی سے 1098اورکوئٹہ سے 2154 سگریٹ کے سٹاکس ضبط کیے۔
ملتان سے 120 اور کوئٹہ سے 6.4میٹرک ٹن چینی ضبط ہوئی، ملتان سے 4 میٹرک ٹن آٹا ضبط کیاگیا،ملتان سے 0.002 ،کراچی سے 0.064اورکوئٹہ سے0.893 ملین لیٹر ایرانی تیل برآمد ہوچکا ہے،ملتان سے10 اورکوئٹہ سے48 کپڑے کے تھان ضبط کیے گئے۔
یکم ستمبر 2023 سے اب تک ملک بھر سے 13088.75 میٹرک ٹن کھاد، 3470.106 میٹرک ٹن آٹا،35091.71 میٹرک ٹن چینی، 4337251سگریٹ کے سٹاکس، 151292 کپڑے کے تھان اور 16.636 ملین لیٹر ایرانی تیل برآمد ہوچکا ہے۔
متعلقہ ادارے ملک کومشکل وقت سے نکالنے کے لیے اسمگلنگ کے خلاف اپنی کاروائیاں جاری رکھنے کےلیے پرعزم ہیں۔
