فلسطین مزاحمتی تحریک حماس اور اسرائیل کے درمیان جاری پر تشدد لڑائی کے باعث مصر نے اسرائیل کے لئے اپنا فلائٹ آپریشن معطل کر دیا ہے۔
رپورٹ کے مطابق قاہرہ ائیرپورٹ کے حکام نے خبر رساں ایجنسی ایسوسی ایٹڈ پریس ( اے پی ) کو بتایا کہ مصر کی قومی ائیر لائن نے اسرائیل کے لئے اپنی پروازیں معطل کردی ہیں۔
حکام کا کہنا تھا کہ قاہرہ اور تل ابیب کے درمیان پروازیں اگلے نوٹس تک معطل رہیں گی۔
یاد رہے کہ فلسطین اور اسرائیل کے درمیان جاری کشیدگی کے پیش نظر اتوار کے روز فرانس نے بھی اسرائیل کے لئے اپنا فلائٹ آپریشن معطل کر دیا تھا۔
یہ بھی پڑھیں ائیرفرانس نے اسرائیل کے لئے فلائٹ آپریشن معطل کر دیا
فرانسیسی حکام کا کہنا تھا کہ وہ اسرائیل میں جاری صورتحال کی نگرانی کر رہے ہیں اور اگلے نوٹس تک تل ابیب کے لئے پروازیں معطل رہیں گی۔
