متحدہ عرب امارات میں طلبہ نجی کمپنیوں میں کام کر سکتے ہیں لیکن اس کے لیے کچھ شرائط کا پابند ہونا ضروری ہے۔
قانون برائے لیبر ریلیشنز کے وفاقی حکمنامے کے مطابق طلبہ کو عارضی ورک پرمٹ کے تحت ملازمت دی جا سکتی ہے، حال ہی میں۔ منسٹری آف ہیومن ریسورسز اینڈ ایمراٹائزیشن نے اس فریم ورک کی وضاحت کی ہے جس کے تحت کم عمر افراد کو عارضی ورک پرمٹ کے تحت ملازمت دی جا سکتی ہے ۔
وزارت کے مطابق 15 سال سے کم عمر بچوں کو ملازمت دینا ممنوع ہے تاہم، 15 سے 18 سال کے اماراتی اور غیر ملکی طلبہ تحریری اجازت کے ساتھ متحدہ عرب امارات میں کام کر سکتے ہیں، یہ اجازت ان کے سرپرست یا ولی کی جانب سے دی جاتی ہے جیسا کہ لیبر قانون کے آرٹیکل 5 میں وضاحت کی گئی ہے۔
روزانہ کام کی حد:
شرائط کے مطابق کام کے اوقات چھ گھنٹے سے زیادہ نہیں ہونے چاہئیں اور ان میں ایک یا زیادہ آرام کے وقفے شامل ہونے چاہئیں، جن کی کل مدت ایک گھنٹے سے کم نہ ہو، یہ وقفے اس طرح ترتیب دیے جاتے ہیں کہ کم عمر طالب علم چار گھنٹے سے زیادہ مسلسل کام نہ کرے۔
قانونی فریم ورک:
قوانین میں میں کم عمر افراد کو ملازمت دینے کے نظام، آجر کی جانب سے عمل پیرا ہونے کے لیے درکار طریقہ کار، اور ان کاموں کی وضاحت کی گئی ہے جن میں کم عمر افراد کو ملازمت دینا ممنوع ہے۔ اس کے علاوہ تربیتی اور تعلیمی ادارے بھی اس قانون کے آرٹیکل 5 کے تحت پیشہ ورانہ تربیت کے لیے مخصوص ضوابط کے پابند ہیں۔
ورک پرمٹ کی تجدید کی مدت:
اماراتی طلبہ اور مقیم غیر ملکی طلبہ چھ ماہ کے قابل تجدید عرصے کے لیے پروجیکٹس میں شامل ہو سکتے ہیں، ایسے طلبہ کے لیے بھی ورک پرمٹ موجود ہیں جو پورے سال جز وقتی کام کرنا چاہتے ہیں، یہ پرمٹ کسٹمر سروس سینٹرز اور MoHRE کی اسمارٹ ایپلیکیشنز کے ذریعے حاصل کیے جا سکتے ہیں۔
شرائط و ضوابط:
قانون کے مطابق، کم عمر افراد کو رات کے وقت، صنعتی منصوبوں میں، یا ایسے کاموں میں ملازمت نہیں دی جا سکتی جو خطرناک یا صحت کے لیے مضر ہوں۔
جس کام کے لیے کم عمر فرد کو ملازمت دی جا رہی ہو، وہ اس ادارے کی سرگرمیوں سے مطابقت رکھتا ہو۔
ادارے کا لائسنس درست ہونا چاہیے اور قانونی ضوابط کے مطابق سرگرمی کی معطلی کی طرف لے جانے والی کوئی خلاف ورزی نہیں ہونی چاہیے۔
درخواست دہندگان کے لیے چیک لسٹ:
سفید پس منظر کے ساتھ رنگین تصویر۔
سرپرست یا ولی کی دستخط شدہ تحریری رضامندی۔
مطلوبہ کام کے لیے طبی اختیار سے جاری کردہ فٹنس سرٹیفکیٹ۔
پاسپورٹ کی کاپی۔
درست رہائشی اجازت نامے کی کاپی۔
وزارت کی طرف سے منظور شدہ ملازمت کا معاہدہ، جس میں آجر اور ملازم کے دستخط ہوں۔
پرمٹ کے لیے درخواست قانونی طور پر مجاز دستخط کنندہ کی جانب سے ادارے کی طرف سے جمع کروائی جانی چاہیے۔
