گزشتہ روزجی ایچ کیو میں اولمپیئن ارشد ندیم کے لیے تقریب کا انعقاد کیا گیا جس میں آرمی چیف سمیت کھیل کے دیگر شعبوں سے تعلق رکھنے والے کھلاڑیوں نے بھی شرکت کی۔
تقریب میں ارشد ندیم اوردیگرکھلاڑیوں نےاپنےخیالات کا اظہارکیاکہا کہ میں چیف آف آرمی سٹاف جنرل سید عاصم منیرکا بہت شکر گزار ہوں جنہوں نے میری اتنی حوصلہ افزائی کی،دنیا میں ایسا کوئی کام نہیں جو انسان نہیں کرسکتا سچی لگن ہوتو ہرکام ممکن ہے، میری محنت اور لگن کی مثال سب کے سامنے ہے۔
سابق سکواش چیمپئن جہانگیر خان نےکہا ارشد ندیم نےکھیلوں کی دنیا میں ملک کا نام روشن کیا اور پاکستان کا نام اجاگرکیا،نوجوانوں کو تعلیم اورکھیلو ں پر توجہ دینی چاہیے،اس سے شخصیت میں نکھار آتا ہے،،
کرکٹربابر اعظم نےکہا ارشد ندیم نےجس طرح پاکستان کا نام روشن کیا وہ ہم سب کےلیےباعث فخر ہے،شان مسعود نےکہا یہ ہمارے لئے قابل فخر ہے کہ ارشد ندیم نے طلائی تمغہ جیتا اور اولمپکس میں نیا ریکارڈ قائم کیا
سیف گولڈ میڈلسٹ محمد معروف نے کہا پاکستان کے نوجوانوں کو کھیلوں میں دلچسپی دکھاتے ہوئے ملک کا نام روشن کرنا چاہئے،۔
سابق قومی ہاکی ٹیم کپتان اصلاح الدین نے کہا ارشد ندیم نے ناصرف اولمپکس میں طلائی تمغہ جیتا بلکہ ایک نیا ریکارڈ بھی قائم کیا،
سابق کپتان قومی ہاکی ٹیم شہبازاحمدسینئر نےکہا ارشد ندیم کی تاریخی کامیابی پر خوشی ہے،اسی کا جشن آج ہم منارہے ہیں،ارشد کی جیت نےماحول خوشگوار بنایا، ملک میں خوشی کی لہر دوڑ گئی،پاکستان میں بہت ٹیلنٹ موجود ہے۔
ٹینس پلیئراعصام الحق نےکہا ہم ارشد پر بہت فخرمحسوس کرتے ہیں اس نے پاکستان کا نام روشن کیا،ارشد ندیم کی جیت سے قوم یکجا نظر آئی، یکجہتی کا احساس پیدا ہوا۔
