ارشد ندیم کوخراج تحسین پیش کرنےکیلئےآرمی آڈیٹوریم جی ایچ کیومیں تقریب کا انعقاد کیا گیا ، جس دوران آرمی چیف جنرل سید عاصم منیر نے ارشدندیم کے کارنامے کو قومی فخر کے طور پر تسلیم کیا اور کہا کہ پوری قوم نےبھی ارشد ندیم کو ان کے کارنامے کے مطابق نوازاہے ۔
راولپنڈی جی ایچ کیو میں ہونے والی تقریب پذیرائی میں کھیلوں کی ٹیموں اور لیجنڈری اولمپئنز نے شرکت کی، جن میں انیس سو چوراسی کی اولمپک،قومی ہاکی ٹیمیں،قومی کرکٹ ٹیم اورایشین گیمز کے تمغے جیتنے والی ٹیمیں شامل تھیں ۔ آرمی چیف نے ارشد ندیم کوتمغہ جیتنےاورنیا اولمپک ریکارڈقائم کرنےپرسراہا، اور کہا ارشد ندیم کی کامیابی سے پوری قوم کو خوشیاں ملیں، ارشد ندیم نےاپنی استقامت اور حوصلے سے تمغہ جیتا، آرمی چیف کا کہنا تھا ارشد ندیم کی کامیابی پوری قوم کیلئےفخرہے ۔
