بنگلا دیش کے صدر محمد شہاب الدین نے احتجاجی طلباء کے ڈیڈلائن سے قبل ہی پارلیمنٹ تحلیل کردی۔
مقامی میڈیا کے مطابق صدر محمد شہاب الدین نے نے پارلیمنٹ تحلیل کرنے کے احکامات جاری کئے، احتجاجی طلبا نے پارلیمنٹ تحلیل کرنے کی ڈیڈلائن دی تھی۔
دوسری جانب ماہر اقتصادیات اور نوبل انعام یافتہ ڈاکٹرمحمد یونس نے عبوری حکومت کی سربراہی کی دعوت قبول کرلی ۔ ترجمان نے بتایا ڈاکٹرمحمد یونس پیرس میں طبی معائنے کیلئے موجود ہیں ۔ جلد وطن واپس آئیں گے۔
قبل ازیں بنگلا دیش کے احتجاجی مظاہرے امریکا تک پہنچ گئے۔ مشتعل مظاہرین نے نیویارک میں قونصل خانے پر دھاوا بولا اور شیخ مجیب الرحمان کی تصویر اتار دی گئی ۔ حکام نے مظاہرین کو پرامن رہنے کی تلقین کی۔ جس پر طلبا نے احتجاج کیا۔
