قائم مقام ایرانی وزیرخارجہ علی باقری نے کہا ہے کہ ایران اسرائیل کے خلاف جوابی کارروائی کیلئے سنجیدہ ہے اور اسرائیل کے جرم پر اس کا احتساب ضرور کیا جائے گا ۔
قائم مقام ایرانی وزیرخارجہ علی باقری نے اردن اورمصر کے وزرائے خارجہ سے ٹیلی فون پر رابطہ کیا جس میں انہوں نے کہا کہ اسرائیل کی خطرناک مہم جوئی سے خطے کی سلامتی کو خطرہ ہے ۔
علی باقری کا کہنا تھا کہ کشیدہ صورتحال پر مسلم ممالک کو متفقہ اور فیصلہ کن مؤقف اپنانا چاہیے۔
انہوں نے کہا کہ خطے میں اسرائیلی جارحیت کو بڑھنے سے روکنے کیلئے مربوط اقدامات کرنے چاہئیں ۔
