قومی کرکٹ ٹیم کے فاسٹ باؤلر حارث رؤف نے اپنے بچے کی پیدائش کے حوالے سے چلنے والی خبروں کی تردید کردی۔
فوٹو اینڈ ویڈیو شیئرنگ پلیٹ فارم انسٹاگرام پر جاری اپنے پیغام میں قومی فاسٹ باؤلر حارث رؤف نے اپنے بچے کی پیدائش سے متعلق زیر گردش خبروں کی تردید کی۔
اس حوالے سے جاری اپنے پیغام میں حارث رؤف کا کہنا تھا کہ میرے بچے کی پیدائش کے بارے میں چلنے والی خبریں جھوٹی ہیں اور جعلی خبروں کو پھیلانے اور ان پر یقین کرنے سے گریز کریں۔
فاسٹ باؤلر کا کہنا تھا کہ میری ذاتی زندگی کے بارے میں کسی غیر تصدیق شدہ اکاؤنٹ سے چلنے والی تمام خبریں محض افواہ ہیں۔
واضح رہے کہ گزشتہ روز سے سوشل میڈیا پر حارث رؤف کے گھر بچے کی پیدائش کی خبریں سوشل میڈیا پر گردش کررہیں تھیں۔
