پنجاب میں مون سون بارشوں کا چوتھا اسپیل کل سے شروع ہو گا۔ پی ڈی ایم اے نے متعلہ اداروں کو الرٹ جاری کردیا۔
ترجمان پی ڈی ایم اے کے مطابق 22 سے 25 جولائی تک پنجاب میں مون سون بارشوں کی پیشگوئی ہے ۔ لاہور، راولپنڈی، ملتان، ڈیرہ غازی خان اور بہاولپور میں بارش کا امکان ہے ۔
فیصل آباد، ساہیوال اور گجرات ڈویژنز میں مون سون بارشیں متوقع ہیں ۔ ڈی جی پی ڈی ایم اے نے موسمی صورتحال کے بارے میں متعلقہ انتظامیہ کو الرٹ جاری کر دیا ۔ کمشنرز، ڈپٹی کمشنر، واسا، آبپاشی، ریسکیو، سول ڈیفنس اور دیگر متعلقہ محکموں کو الرٹ رہنے کی ہدایت کی گئی ہے۔
