حکومت نے وفاقی سرکاری ملازمین کی تنخواہوںاور پنشن میں اضافے کا نوٹیفکیشن جاری کر دیاہے ۔
وزارت خزانہ کے مطابق گریڈ 1 سے 16 کے ملازمین کی تنخواہوں میں 25 فیصد ، گریڈ 17 سے 22 کے افسران کی تنخواہوں میں 20 فیصد اضافہ کیا گیا ہے ۔
نوٹیفکیشن کے مطابق سرکاری ملازمین کو بنیادی تنخواہ پر یکم جولائی 2024 سے ریلیف ملے گا، وفاقی ریٹائرڈ سرکاری ملازمین کی پنشن میں 15 فیصد اضافہ کیا گیا ہے ،پنشن میں اضافے کا اطلاق سول اور آرمڈ فورسز کے ریٹائرڈ ملازمین پر ہوگا ، یکم جولائی 2024 یا بعد میں ریٹائرڈ ہونےوالے ملازمین کو بھی ریلیف ملےگا، پنشن میں 15 فیصد اضافہ ریٹائرڈ ملازمین کی نیٹ پنشن پر ہوگا۔
نوٹیفکیشن میں کہا گیاہے کہ ایڈہاک ریلیف پنشن اورگریجویٹی کا تعین کرتے وقت شامل نہیں ہوگا،ملازمین کے ہاوس رینٹ الاؤنس کے تعین میں بھی اضافے کا اطلاق نہیں ہوگا ، وفاقی ملازمین کی بیرون ملک تعیناتی کے دوران ایڈہاک ریلیف الاونس نہیں ملے گا، بیرون ملک تعیناتی، ڈیوپوٹیشن سے واپسی پر ایڈہاک ریلیف الاونس لاگو ہو جائے گا۔
